'செட்' தேர்வுக்கு விண்ணப்பிப்பதற்கான இணையதளம், கடைசி தேதிக்கு முன் முடங்கியதால், பட்டதாரிகள் அவதிக்கு ஆளாகியுள்ளனர். கல்லுாரிகள், பல்கலைகளில் உதவி பேராசிரியர் பணியில் சேர,
தேசிய அளவில், 'நெட்' அல்லது, மாநில அளவில், 'செட்' தேர்வில் தேர்ச்சி பெற வேண்டும்.செட் தேர்வை தமிழக அரசின் சார்பில், கொடைக்கானல் தெரசா பல்கலை, இந்த ஆண்டு நடத்துகிறது. மார்ச், 4ல் தேர்வு நடக்கிறது. தேர்வுக்கான ஆன்லைன் பதிவு,www.tnsetexam2018mtwu.in என்ற இணையதளத்தில், டிச., 18ல் துவங்கியது; பிப்.,9ல் முடியும் என, அறிவிக்கப்பட்டது. ஆனால், கடைசி தேதிக்கு முன், பிப்., 3 முதல், இணையதளத்தின் செயல்பாடு பாதிக்கப்பட்டுள்ளது. குறிப்பாக, பெரும்பாலானவர்களுக்கு, 'ஆன்லைன்' விண்ணப்பங்களை பதிவு செய்தாலும், கட்டணம் செலுத்துவதற்கான வசதி இயங்கவில்லை; பலருக்கு, விண்ணப்ப பதிவே பாதியுடன் நிற்கிறது. அதனால், செட் தேர்வு விண்ணப்பதாரர்கள், கடும் அவதிக்கு ஆளாகியுள்ளனர்.
இதுகுறித்து, உயர்கல்வித் துறை உரிய முடிவு எடுத்து, செட் தேர்வுக்கான இணையதள சிக்கல்களை தீர்க்க வேண்டும் என, பட்டதாரிகள் கோரிக்கை விடுத்துள்ளனர்.
0 Comments
Post a Comment
குறிப்பு
1.KALVIEXPRESS வாசகர்கள் அனைவரையும் அன்புடன் வரவேற்கிறோம்..
2.அனைவரும் தங்கள் பெயர் மற்றும் மின்அஞ்சல் முகவரி கொடுத்து தங்கள் கருத்தை பதிவு செய்யவும்..
3.இங்கு பதிவாகும் கருத்துக்கள் வாசகர்களின் சொந்த கருத்துக்களே இதற்கு KALVIEXPRESS எந்த விதத்திலும் பொறுப்பு ஆகாது..
4.பொறுத்தமற்ற கருத்துக்களை நீக்கம் செய்ய KALVIEXPRESS வலைதளத்திற்கு முழு உரிமை உண்டு..