*சட்டசபையில், கேள்வி நேரத்தில் நடந்த விவாதம்

தி.மு.க., - தங்கம் தென்னரசு

*சென்னையில், புத்தகக் கண்காட்சி நடக்கிறது. தமிழில், புதிய நூல்கள் வெளிவர, பதிப்பகத்தாரை ஊக்குவிக்க வேண்டும்.புதிய நூல்களை, நூலகங்களுக்கு கொள்முதல் செய்ய, தேர்வு குழு அமைக்கப்பட்டுள்ளதா; சென்னை, அண்ணா நூற்றாண்டு நூலகத்திற்கு, புதிய நூல்கள் வாங்க, நடவடிக்கை எடுக்கப்பட்டுள்ளதா?

அமைச்சர், செங்கோட்டையன்

*பதிப்பகங்களில் இருந்து, புதிய நூல்கள் வாங்க, குழு அமைக்கப்பட்டுள்ளது. புதிய நூல்களை கொள்முதல் செய்ய, கூடுதல் நிதி ஒதுக்கப்பட்டுள்ளது. அண்ணா நூற்றாண்டு நூலகத்திற்கு நூல்கள் வாங்க, ஆறு கோடி ரூபாய் ஒதுக்கப்பட்டுள்ளது. அங்கு, ஸ்டுடியோவும் அமைக்க திட்டமிடப்பட்டுள்ளது

*அந்த ஸ்டுடியோவில், சிறந்த ஆசிரியர்களை பயன்படுத்தி பாடம் நடத்தி, அதை வீடியோவில் பதிவு செய்து, 'யு டியூப்' வலைதளத்தில் பதிவேற்றம் செய்ய, முடிவு செய்துள்ளோம்

*பள்ளி மாணவர்கள், தங்கள் மொபைல் போன்களில், அவற்றை பதிவிறக்கம் செய்து படிக்கலாம். 'சிடி'யாக வெளியிடவும் முடிவு செய்துள்ளோம்

*அதேபோல், ஓலைச்சுவடிகளில் உள்ளதை, புத்தகமாகவும், 'சிடி'யாகவும் வெளியிட, நடவடிக்கை எடுக்கப்பட்டுஉள்ளது