Ticker

6/recent/ticker-posts

12 ஆம் வகுப்பு மதிப்பெண்கள் அடிப்படையில் மட்டுமே மருத்துவ சேர்க்கை என்ற கொள்கையில் எவ்வித மாற்றமும் இல்லை-தமிழக அரசு

 12  ஆம் வகுப்பு மதிப்பெண்கள் அடிப்படையில் மட்டுமே மருத்துவ  சேர்க்கை என்ற  கொள்கையில் எவ்வித மாற்றமும் இல்லை-தமிழக அரசு 

23.5.2021 அன்று மத்திய அரசின் பள்ளி கல்வித் துறை CBSE முறையில் செயல்படும் பள்ளிகளில் பயிலும் மாணவர்களின் பன்னிரெண்டாம் வகுப்பு இறுதி தேர்வு குறித்து அனைத்து மாநில கல்வி அமைச்சர்களுக்கான ஆலோசனைக் கூட்டம் நடைபெற்றது அதில் மாண்புமிகு உயர்கல்வித் துறை அமைச்சர் திரு பொன்முடி  மற்றும் மாண்புமிகு பள்ளிக்ப்கல்வித் துறை அமைச்சர் திரு அன்பில் மகேஷ் பொய்யாமொழி உள்ளிட்டோர் பங்கேற்றனர். 

மாநில அளவில் நடைபெறும் பன்னிரெண்டாம் வகுப்பு அரசு பொதுத் தேர்வுகள் குறித்தும், அதற்குப் பிறகு மாணவர்கள் எதிர்கொள்ளும் பல்வேறு நுழைவுத் தேர்வுகள் நடத்துவது குறித்தும் விவாதிக்கப்பட்டது.

கொரோனா நோய்த் தொற்று பரவி வரும் இக்காலகட்டத்தில் மாணவர்களின் பாதுகாப்பைக் கருத்தில் கொண்டு, பன்னிரெண்டாம் வகுப்பு தேர்வுகள் நடத்தும் முறைகள் குறித்து  மாண்புமிகு முதலமைச்சருடன் கலந்து ஆலோசித்து மத்திய அரசிற்கு தெரிவிப்பதாகவும் கூறினார். 

தமிழகத்திற்கு நீட் (NEET) தேர்வு கூடாது என்றும், வழக்கம் போல பன்னிரெண்டாம் வகுப்பு இறுதி தேர்வு மதிப்பெண் அடிப்படையிலே மாநில அரசின் கட்டுப்பாட்டில் உள்ள மருத்துவக் கல்லூரிகளுக்கு சேர்க்கை நடைபெற வேண்டும் என்றும் உறுதிபடத் தெரிவித்தார்.

மேலும் தமிழக அரசு தனியே நீட் தேர்வை மாநில அளவில் நடத்தாது என்றும்  தமிழகத்தில் நீட் தேர்வு மூலம் சேர்க்கை நடைபெறக் கூடாது என்பது மட்டுமல்லாது, மாணவர்கள் பயிலும் பன்னிரெண்டாம் வகுப்பு இறுதித் தேர்வில் பெறும் மதிப்பெண்கள் அடிப்படையில் மட்டுமே மருத்துவப் படிப்புகளுக்கான சேர்க்கை நடைபெற வேண்டும் என்ற தமிழக அரசின் கொள்கையில் எவ்வித மாற்றமும் இல்லை என  கூட்டத்தில் தெரிவித்தார்


Post a Comment

0 Comments