How To Apply Revaluation/ Re Total For HSC 2022
பன்னிரெண்டாம் வகுப்பு தேர்வர்கள் - விடைத்தாள் நகல் / மறுகூட்டல்-। விண்ணப்பிக்கும் முறை:
12ஆம் வகுப்பு பொது தேர்வு முடிவுகள் 20.06.2022 வெளியிடப்பட்டது .அந்த முடிவுகளில் ஏதேனும் மதிப்பெண்களில் ஐயம் இருந்தால் விடைத்தாள் நகல் / மறுகூட்டல் விண்ணப்பிக்கலாம் அதற்கான வழிமுறைகளை தமிழக அரசு தேர்வு இயக்கம் வெளியிட்டுள்ளது
விடைத்தாள் நகல் / மறுகூட்டல்- கோரி விண்ணப்பிக்க விரும்பும் பள்ளி மாணவர்கள் தாங்கள் பயின்ற பள்ளிகள் வழியாகவும், தனித்தேர்வர்கள் தாங்கள் தேர்வெழுதிய தேர்வு மையங்கள் வழியாகவும் 22.06.2022 (புதன் கிழமை) காலை 10.00 மணி முதல் 29.06.2022 (புதன் கிழமை) மாலை 5.00 மணி வரை விண்ணப்பிக்கலாம்.
விடைத்தாள் நகல், மறுகூட்டல் ஆகியவற்றில் எதாவது ஒன்றிற்கு மட்டுமே தேர்வர்கள் விண்ணப்பிக்க இயலும். தேர்வர்கள் தங்களது விடைத்தாளின் நகல் வேண்டுமா? அல்லது மதிப்பெண் மறுகூட்டல் செய்ய வேண்டுமா? என்பது குறித்து தெளிவான முடிவு செய்து கொண்டு அதன்பின்னர் விண்ணப்பிக்குமாறு கேட்டுக் கொள்ளப்படுகிறார்கள்.
- விடைத்தாள் நகல் பெற்றவர்கள் மட்டுமே விடைத்தாள் மறுமதிப்பிடுக் கோரி பின்னர் விண்ணப்பிக்க இயலும்.
- மதிப்பெண் மறுகூட்டல் கோரி விண்ணப்பிக்கும் பாடத்திற்கு விடைத்தாள்களின் நகல் கோரி விண்ணப்பித்திட இயலாது.
- விடைத்தாளின் நகல் பெற்ற பிறகு அவர்கள் மறுகூட்டல் / மறுமதிப்பீட்டிற்கு விண்ணப்பிக்க வாய்ப்பு அளிக்கப்படும்.
பள்ளி மாணவர்கள் : தங்கள் பயின்ற பள்ளி
தனித்தேர்வர்கள் :தேர்வெழுதிய தேர்வு மையம்
நாள்: 22.06.2022 காலை 10.00 மணி முதல் 29.06.2022 மாலை 5.00 மணி
விடைத்தாளின் நகல் பெறுவதற்கான கட்டணம் :
- ஒவ்வொரு பாடத்திற்கும் - ரூ.275/-
மறுகூட்டல் கட்டணம்
- உயிரியல் பாடத்திற்கு மட்டும் - ரூ.305/-
- மற்ற பாடங்கள் (ஒவ்வொன்றிற்கும்) - ரூ.205/-
பணம் செலுத்தும் முறை :
தேர்வர்கள் விடைத்தாள்களின் நகலிற்கான கட்டணத்தை விண்ணப்பிக்கவுள்ள பள்ளியிலேயே பணமாகச் செலுத்த வேண்டும்.
விடைத்தாள் நகல் - இணையதளத்தில் பதிவிறக்கம் செய்துகொள்ளும் முறை :
விடைத்தாள் நகல் விண்ணப்பிக்கும்போது வழங்கப்படும் ஒப்புகைச் சீட்டினை மாணவர்கள் பாதுகாப்பாக வைத்துக் கொள்ள வேண்டும். ஒப்புகைச் சீட்டில் குறிப்பிட்டுள்ள விண்ணப்ப எண்ணைப் பயன்படுத்தியே தேர்வர்கள் தங்களது விடைத்தாளின் நகலினை இணையதளம் வழியாக பதிவிறக்கம் செய்து கொள்ளலாம்.
0 Comments
Post a Comment
குறிப்பு
1.KALVIEXPRESS வாசகர்கள் அனைவரையும் அன்புடன் வரவேற்கிறோம்..
2.அனைவரும் தங்கள் பெயர் மற்றும் மின்அஞ்சல் முகவரி கொடுத்து தங்கள் கருத்தை பதிவு செய்யவும்..
3.இங்கு பதிவாகும் கருத்துக்கள் வாசகர்களின் சொந்த கருத்துக்களே இதற்கு KALVIEXPRESS எந்த விதத்திலும் பொறுப்பு ஆகாது..
4.பொறுத்தமற்ற கருத்துக்களை நீக்கம் செய்ய KALVIEXPRESS வலைதளத்திற்கு முழு உரிமை உண்டு..